240602 繁花 麒麟會 似曾相識！

1.繁花講到發生在1990年代的上海證交所的股票故事，有人可以一夜暴富，有更多人會一夜歸零！劇中講到一隻垃圾股414 ，冇基本面完全幻想，竟然可以用高價$28蚊上市，然後想吹上$40 ，不知何故消息被洩漏，令大莊炒只到近$36已經散水，結果貪心的走唔甩的人都輸大錢。其中一個聽內幕消息嘅發根，信晒會到$40，不單只all in 買入，並且發動親戚朋友夾錢買股，結果最後股票狂跌，發根和親戚朋友輸晒本金。發根接受唔到最後自殺！

2.三年前科網熱潮時快手 (1024）$115香港上市，公司未有盈利，第一日開市$340，兩日後衝上近$420，半年多跌到$64，最後跌倒$32 以下，少於最高位的10分之一！

3.行入90年代上海黃河路，其實就是一個鱷魚潭，普通人入去幾乎全部都死無全屍！香港的散戶睇這套劇，應該都會看到自己的影子，唔好成日以為自己好醒。一個完全唔知道如何評估股票價值嘅人，聽人講買股票都係存有僥倖之心，希望有下一個傻仔同你接火棒！好多時都搵唔到。

4.世界上不同地方都有這種麒麟會操作，一班有錢又好聰明的人，總是利用愚昧股民的貪婪，發放一些所謂有料消息，美國都有咆哮的小貓，Roaring kitty，Wall Street bets…

免責聲明：這只是投資經驗分享而並不是任何投資建議，請先咨詢你的投資顧問是否合適你的風險，才作出任何買賣行動，本人恕不負責可能因為市場走勢逆轉而造成的任何損失。我的博文，我的YouTube，我的FB專頁以及新的PATREON專頁，歡迎提出意見、討論及轉載。